Covid 19 dela eta ekintza bereziak ume eta gazteentzat online


UMEENTZAKO EKINTZAK ONLINE:

LUDOTEKA ETXEAN
IPUINAK: Astero ipuin berri bat, irakurtzeko, ikusteko, entzuteko…
JOLASAK: Etxetik zehar jolasteko, egongelan, sukaldean, logelan…
DENBORA-PASAK : Ikasten duzun bitartean dibertitzeko!
ESKULANAK: Zure irudimena lantzeko, dibertitzeko eta… lehiaketetan parte hartzeko ere!
ANTZERKIAK : Zornotza Aretoko webgunean umeentzako antzerkiak ere ikusgai daude

 

GAZTEENTZAKO EKINTZAK

GAZTETXOKOA ETXEAN
Gazteentzako ekintza desberdinak etxetik egiteko
Ikusi ekintza guztiak HEMEN
GAUEROETXEAN
Gauero zure etxean zelan bizitzen ari zarete? Bidali zure bideoak gazteinfo@amorebieta.eus helbidera eta astero bideo barri bat jarriko dugu, jasotzen ditugunak bilduz.
Ikusi bideo guztiak HEMEN

“Urgozo iturria” lehiaketako lan irabazlea

Ludotekak antolatutako Gure “Patata” eskulan lehiaketak badu irabazlea

Ludotekak apirilaren 30etik maiatzaren 14ra antolaturiko “Urgozo iturria” eskulan lehiaketan jasotako lan guztien artean zozketa egin da gaur, maniataren 18an, irabazlea aukeratzeko.
Zozketan suertatu den lan irabazlea, Aitor Erauzkin Oianguren (8 urte) partaideak aurkeztutakoa izan da, lehiaketako irabazlea izanik.

ZORIONAK!
Zornotza Aretoko ume antzerki baterako 2 sarrera irabazi ditu.

Aurkeztutako lan guztiak ikusteko aukera duzu HEMEN

Udalekuak 2020 programa bertan behera


Arabako, Bizkaiko eta Gipuzkoako foru-aldundiek erabaki dute bertan behera uztea Udalekuak 2020 programa
Arabako, Bizkaiko eta Gipuzkoako Aldundiek erabaki dute bertan behera uztea «Udalekuak 2020» programa, 2020ko udako kanpamentuen kanpainan sartutako ume eta pertsona guztien osasuna eta segurtasuna bermatzeko. COVID-19aren hedapena eragozteko, osasun-arloko agintariek egindako gomendioak kontuan hartuta geldiarazi da hiru lurraldeetako 7 eta 13 urte bitarteko umeei 4.000 plaza (1.360 Bizkaian, 1.110 Gipuzkoan y 1.530 en Araban) eskaintzen zizkien programa hau.  
Bizkaiko Foru Aldundiak Udalekuak 2020 kanpaina uztailaren 1etik 29ra egitekoa zen. Edizio honetan, foru-erakundeak 1.360 plaza eskaintzen zizkien 7 eta 13 urte bitarteko umeei.  

EAEko hiru lurraldeetan eta Nafarroan dauden 15 instalaziotan egitea aurreikusita zegoen Udalekuak 2020: Bizkaiko sei instalaziotan, Gorlizko aterpetxea (Uribe Kostan); Lapurreketa Baserri Eskola (Diman, Arratian); La Arboleda Aterpetxea; Galdamesko aterpetxea (Enkarterrin), Lurraska Baserri Eskolan (Ajangizen, Busturialdean); Meakaur Aterpetxea (Morgan); 2 instalazio Nafarroan: Astitz aterpetxea Larraunen eta Bidasoa Garaian. Eta Araban hiru instalazio: Zuhatza Espejo eta Barria; Gipuzkoan lau toki: Orio, Zarautz, Hondarribia eta Sastarrain.

Gure “Patata” lehiaketako lan irabazlea

Ludotekak antolatutako Gure “Patata” eskulan lehiaketak badu irabazlea

Ludotekak apirilaren 2tik 16ra antolaturiko Gure “Patata” eskulan lehiaketan jasotako lan guztien artean zozketa egin da gaur, apirilaren 20an, irabazlea aukeratzeko.
Zozketan suertatu den lan irabazlea, Ainhoa Picazo Viana (9 urte) partaideak aurkeztutakoa izan da, lehiaketako irabazlea izanik.

ZORIONAK!
Zornotza Aretoko ume antzerki baterako 2 sarrera irabazi ditu.

Aurkeztutako lan guztiak ikusteko aukera duzu HEMEN

“Gure patata” lehiaketako lanak

Gaurtik aurrera ikus daitezke Ludotekak antolatutako “Gure patata” eskulan lehiaketan aurkeztutako lanak. Lehiaketa, 12 urtera arteko haur eta gazteei zuzenduta zegoen, eta bertan, Amorebieta-Etxanon dagoen “Patata” izenez ezaguna den Andres Nagelen eskultura famatuaren irudikapena egin behar zen. Horretarako, etxean eskuragarri zeuden materialak erabiliz eta teknika librea izanik.

Lan bikainak dira. Zorionak parte hartu duzuen guztioi!
Lan irabazlea datorren astelehenean, apirilaren 20an, erabakiko da parte-hartzaile guztien artean zozketa eginez.

Aurkeztutako lanak






Bizkaiko Foru Aldundiko Udalekuak 2020 programan izena emateko epea zabalik

UDALEKUAK 2020 BFA
Udalekuak Araba, Bizkaia eta Gipuzkoako Aldundien artean antolatutako udaleku programa da, 2007 eta 2013 urteen artean jaiotako hiru lurraldeetako neska-mutilentzat, eta jarduera ludiko-hezitzaileetan parte hartu ahal izango dute. Parte-hartzaile bakoitzak erroldatuta dagoen lurralde historikoari dagokion foru-aldundian eman beharko du izena.

Non egiten dut eskaera?
Eskaera Internet bidez soilik egiten da (ezin da paperezko eskaerarik egin), Bizkaiko Foru Aldundiaren Egoitza Elektronikoaren bidez.

Izena emateko epea
Izena emateko epea martxoaren 12an hasi eta maiatzaren 10eko 13:30ak arte izango da.

Informazio gehiagorako, kontsultatu Udalekuak 2020 web orrian.

Aurtengo kanpainaren liburuxka kontsulta dezakezu HEMEN

Zelaieta zentroko ekintzak bertan behera


Zelaieta zentroko haur eta gazteentzako jarduerak bertan behera geratuko dira, Amorebieta-Etxanoko Udalak hartutako neurrien ondorioz, koronabirusaren aurrerapenaren aurrean

Amorebieta-Etxanoko Udalak jendearentzat irekitako udal-instalazio guztien erabilera aldi baterako eteteko erabakia hartu du, hala nola udal-liburutegia, kirol-instalazioak, adinekoen zentro sozio-kulturalak, Zelaieta Zentroa, etab., baita taldeko jarduerak ere, hala nola prestakuntza-ikastaroak, kirol-ikastaroak, kultura-jarduerak, gizarte-jarduerak eta abar.

Ametx Gazteriaren zerbitzuei dagokienez, Gazte Informazio Bulegoa, Gazte Txokoa eta Ludoteka itxita egongo dira hurrengo abisura arte. Era berean, haur eta gazteentzako aisialdi programak, hala nola Erdu Olgetan, Gauero, Gauerobidaian eta Ludoteka Berezia Aste Santuan, bertan behera geratuko dira.

Gainera, ahal den neurrian, pertsonen kontzentrazioa saihesteko neurriak hartuko dira eta espazio publikoak ahalik eta gutxien erabiltzea gomendatzen da, plaza, parke, jolas gune eta antzerakoak erabiltzea ekidinez.

Horregatik, herritarrei udaletxera behar-beharrezkoa bada bakarrik bertaratzeko eskatzen zaie.

Eskaerei erantzuteko, herritarren arreta indartu egingo da telefono bidez (010 udalerritik eta 946.300.002 beste udalerri batetik), baliabide telematikoak edo whatsappa (688.866.600) erabiliz.

Udaletxera joanez gero, beharrezkoa izango da beharrezko arreta-neurriak hartzea, hala nola, pertsonen artean metro bateko distantzia egotea, eta eskuak behar bezala garbitzea, horretarako bitartekoak jarri baitira.

Salbuespenezko neurri hauen helburua da koronabirusaren hedapena geldiaraztea. Euste-lan horrek lankidetza lasaia eta arduratsua eskatzen du, herritar guztien ulermenaz gain, birusa eskala handian hedatzen laguntzen duen edozein jarduera saihestuz.

Zelan azaldu haurrei zer den koronabirusa?


“Kaixo! Koronabirusa naiz” haurrei koronabirusa zer den eta nola eragin dezakeen azaltzen lagunduko dizun ipuina da. Manuela Molina psikologo eta irakasle kolonbiarraren ipuina da, Mindheart orrialdearen sortzailea. PDF formatuko dokumentu labur bat da, helduei eta txikiei birus horri nola aurre egin behar zaion ulertzen lagunduko diena.

Ipuin hau eta beste batzuk ikus ditzakezu HEMEN

Ipuina ere inprimatu daiteke, haurrek beren gustura margotzeko aukera izan dezaten, emozioak ere lantzen baititu.
Ipuina inprima dezakezu HEMEN